Loading...
EventsLocal News

Liquor ban ipatuman sa Maasin City atol sa Charter Day ug Fiesta

MAASIN CITY — Gidili ang pagpamaligya og imnonong makahubog sa mga adlaw sa bisperas, kahugan, ug liwas karong 21st charter day anniversary Agosto 10 ug pista, Agosto 15.

Gidili usab ang pag-inom sa gawas ug mga publikong lugar nianang mga adlawa.

Ang maong lakang pinasubay sa gipatuman nga health protocol nga walay dinaghan panagtapok kon mass gathering, sumala pa ni City Mayor Nacional Mercado.

Gikatakda nga magpagawas ang dakbayan og supplemental executive order alang sa maong kamanduan, sumala pa sa mayor dihang nahinabi sa local media sa kapihan sa PIA forum pagka Miyerkolis.

Kahinumdoman nga sa ting pista nga bulan sa Mayo mga barangay tanod, kapulisan, ug bisan si mayor mismo misuroy sa nagpista nga barangay aron pag-seguro nga walay taga gawas makapamista.

Susamang lihok ang buhaton sa duha ka selebrasyon karong bulana, labina kay naa na karoy delta variant sa COVID, sanglit nasuta man nga epektibo ang gihimo pagka Mayo aron mapugngan ang way puas nga pagsaka sa COVID ning siyudad.

(Reports from: Marcelo Pedalino, PIA Southern Leyte)

Leave a Reply

Your email address will not be published. Required fields are marked *

Share via
Copy link
Powered by Social Snap